Bianca, umwe mu banyamakuru bamenyekanye cyane mu itangazamakuru ryo mu Rwanda, yibwe imodoka ku mugoroba wo ku wa Kabiri, tariki 11 Kamena 2025, aho bayimutwaye bari mu rugo iwe.
Amakuru agera ku kinyamakuru IGIHE avuga ko imodoka yibwe ari iy’uruhu rwa Hyundai, kugeza ubu ikaba igishakishwa n’inzego z’umutekano.
Mu butumwa yanyujije ku mbuga nkoranyambaga, Bianca yemeje aya makuru avuga ko uwamwibye ari umwe mu bakozi bakoreraga mu rugo. Yagize ati:
“Imodoka yibwe n’umwe mu bakozi bakoreraga mu rugo, namaze kubimenyesha RIB iri kubikurikirana.”
Ni inkuru yakiriwe n’abantu benshi mu byiciro bitandukanye by’abakunzi b’itangazamakuru n’abamukurikira kuri YouTube, aho asanzwe atambutsaho ikiganiro cye bwite.
Bianca kuri ubu akorera kuri SK FM, akaba anafite ikiganiro cye gitambuka kuri shene ye ya YouTube, ndetse n’indi mishinga akorana na ISIBO TV.
